Мицов: Каков коронавирус, што се сме прележале во Србија, ова е смешно

Додека Италија е во паника заради коронавирусот, српскиот кошаркарски интернационалец Владимир Мицов тврди дека кај него нема страв.

„Имавме кратка пауза, така што во неделата вечерта се вративме во Италија. Кога слетавме на аеродромот, ни измерија температура, тоа беше се. Бројот на луѓе е вообичаен, исто како и секогаш. Само што повеќе луѓе има со маски на улиците. Кога со кола се возев низ град, забележав дека ја нема онаа стандардна утринска гужва со оглед на тоа дека доста работи се затворени. Сепак и натаму има многу коли и луѓе на улица. Метрото и автобусите нормално работат. Нема место за паника, какви маски и останати приказни. Што се сме прележале ние во Србија, ова е смешно“, смета Мицов.