Уште една трагична вест го потресе светот на фудбалот, а овој пат таа доаѓа од Русија.
Младиот фудбалер Никита Сидоров (18) почина вчера за време на натпревар.
Сидоров играше за младиот тим на Знамје Труде, и се сруши на теренот само пет минути по влегувањето во игра.
Лекарите се обиделе да му го спасат животот на младиот фудбалер, но не успеале во тоа.
– Тој влезе во второто полувреме и по пет минути му беше лошо. Ја изгуби свеста и падна. Лекарите веднаш реагираа, се бореа за неговиот живот половина час, но ние го загубивме – изјави директорот на клубот, Михаил Пузанов.
Таткото на фудбалерот беше присутен на натпреварот, кој се играше во близина на Москва, а тој исто така истрча да помогне.
Официјалната причина за смртта не е утврдена и се сомнева дека станува збор за аневризма, проблем со крвен сад во мозокот.
Неговите соиграчи тврдат дека младиот Сидоров немал никакви здравствени проблеми.