Актуелно
Почетна / Магазин / Наука и технологии / Младите во Хрватска имаат најдобри дигитални вештини во Европската унија

Младите во Хрватска имаат најдобри дигитални вештини во Европската унија

Во последните неколку месеци, многу млади луѓе на возраст меѓу 16 и 24 години мораа да посетуваат настава преку Интернет заради мерките поврзани со пандемијата на коронавирус.

Со оглед на околностите, се поставува прашањето дали младите имаат неопходни дигитални вештини?

Во 2019 година, забележано е дека 4 од 5 млади луѓе (80 проценти) на возраст од 16 до 24 години во Европската унија совладале дигитални вештини на основно или напредно ниво.

Добри резултати и кај лицата на возраст меѓу 25 и 29 години

Важно е да се истакне дека меѓу земјите членки на Европската унија, Хрватска има најголем удел на лица од 16 до 24 години со развиени дигитални вештини – дури 97 проценти. Зад Хрватска се Естонија, Литванија и Холандија (93%) и Грција (92%).

Најслабиот развој во контекст на дигиталните вештини е забележан во Романија (56%), Бугарија (58%), Италија (65%), Унгарија (68%) и Латвија и Луксембург (75%).

Исто така, на возраст меѓу 25 и 29 години, Хрватска е на третото место со 92 проценти од луѓето со дигитални вештини, зад Исланд и Финска, а во возрасната група од 35 до 44 години е на дното на табелата, 64 проценти од луѓето со дигитални вештини, пренесе „Индекс“.

loading...