Канадскиот пејач во последните неколку месеци во потполносот го смени начинот на живот. Тој неодамна призна дека од 19 години живеел во пекол поради дрогата која го правела агресивен, насилен и себичен и дека од себе оддалечил луѓе кои ги сака.
Сепак, со текот на времето успеал да се отараси од пороците, а потоа следуваа нови проблеми, поради кои постојано ги одложувал новите песни, што многу ги лутеше фановите кои се посомневаа дека тој повторно е во депресија.
Сепак, ова не е вистина. Бибер боледува од лајмска болест, за што ја извести јавноста на почетокот од годинава. Во таа прилика тој навел дека болеста ја загрозила неговата кожа, мозочната функција и здравјето воопшто и дека тоа е една од причините поради кои тој е поинаков.
– И додека сите зборуваат како Бибер личи на измет, не се ниту свесни дека неодамна ми е дијагностицирана лајмска болест. И не само тоа, тоа се одрази на мојот вид, на мојата кожа, мозочната функција, енергијата и целокупното здравје. Овие работи ќе бидат објаснати во документарецот кој наскоро ќе го објавам на Јутјуб. Ќе дознаете со што се носев и борев! Беа тешки неколку години, но со соодветна терапија ќе успеам да ја победам болеста и ќе се вратам подобар од било кога – напиша Џастин во јануари, кој во меѓувреме го смени начинот на живот.
Лесните девојки и лажните пријатели ги замени со вистински, со кои го најде својот мир, а деновите ги минува дома играјќи шах и други друштвени игри, на изненадување на многу од неговите фанови.
Џастин привлече големо внимание објавувајќи фотографија со коментар: „Ги сакам ваквите вечери“.