Можен датум за влез на Бугарија во еврозоната е 1 јануари 2025 година, вели Домбровскис

од Radmila Tasevska

Во интервју за НОВА, Валдис Домбровскис, извршен потпретседател на Европската комисија (ЕК), вели можен датум за влез на Бугарија во еврозоната е 1 јануари 2025 година. Инаку тој е во посета на Бугарија и денес ќе има средби со бугарскиот претседател Румен Радев, со вршителот на должноста премиер Галаб Донев и со министри.

Вели дека главната работа што кочи на патот кон еврозоната е инфлацијата. Бугарија требаше да го воведе еврото од почетокот на 2024 година, но пред неколку дена беше објавено дека не исполнува некои од критериумите, главно поради високата инфлација.

„Критериумот за инфлација е предмет на евалуација од експерти од ЕК. Оваа оценка укажува дека критериумот не може да се покрие“, рече Домбровскис.

 

Слични содржини