Познатиот тениски тренер Патрик Муратоглу смета дека Роџер Федерер е единствен во историјата на овој спорт.
Роџер Федерер најави дека ќе се пензионира по завршувањето на Лејвер купот следниот викенд, а Муратоглу истакнува дека Швајцарецот е најдобриот амбасадор кој тенисот го имал некогаш.
„Секој би сакал да може да игра тенис како него, но тој е единствен, никој не може да го повтори тоа во иднина. Никој никогаш не играл тенис како Федерер и никој никогаш нема да игра како него – затоа што тоа е невозможно. Федерер е премногу совршен за да некој може да се спореди со него. Тој е апсолутно совршенство во сè што прави – начинот на кој се движи, начинот на кој ја удира топката, затоа што имате чувство дека Федерер сето тоа го прави со малку труд“, рече Муратоглу.
Тој истакна дека најголемиот квалитет на Федерер е неговата борбеност на теренот.
„Кога ќе го видите Федерер како игра тенис, првото нешто што го забележувате е дека тој има неверојатен талент и флуидност во движењето. Федерер освои 20 Грен слем турнири, бидејќи е воин. Секогаш се бореше за секој поен како да му е последен. Малкумина тенисери го имаат тој менталитет. Благодарение на тоа тој успеа да испише историја во овој спорт“, изјави Муратоглу.
Тој потсети на финалето на Австралија опен во 2006 година, кога Федерер го победи Кипарецот Маркос Багдатис со 3:1 во сетови.