Жозе Мурињо е пред крајот на подготовките со Рома за новата сезона, а во последниот пријателски натпревар доживеа вистински дебакл.
Тимот на Мурињо синоќа го претрпе првиот пораз на овие подготовки, и тој беше многу тежок. Рома загуби со 5:2 од Бетис, а натпреварот заврши без дури тројца играчи и Жозе Мурињо, кој исто така доби црвен картон.
Бетис поведе во 4. минута со голот на Родри, а Рома се врати преку Шомуродов во 27. минута. Бетис поведе со 2-1 на полувремето по голот на Фекир во 30. минута, а по голот на Манчини во 51. минута, започна лудилото. Прво, Морено го врати Бетис во водство во 58. минута за една минута подоцна Пелегрини да добие црвен картон.
Мурињо полуде поради тоа, влета на терен и нешто му дофрли на судијата кој веднаш му покажа црвен картон. Шест минути подоцна, Манчини исто така доби втор жолт картон, а Рома издржа речиси 15 минути со двајца играчи помалку. Но, со тројца играчи помалку таа не можеше. Откако Карсдорп, исто така, доби втор жолт картон во 78. минута, Бетис го реши натпреварот во 80. и 83. минута со головите на Тељо и Роберто.