Мурињо воопшто не размислува за крај на кариерата

од Vladimir Zorba

Жозе Мурињо, кој ја предводеше Рома до финалето на Лигата на конференциите, не гледа смисла наскоро да ја заврши својата тренерска кариера. Португалскиот стручњак зборуваше и за работата на својот колега Карло Анчелоти кој е на чело на Реал Мадрид.

59-годишниот Мурињо следната недела ќе ги предводи римските „волци“ на мечот против Феенорд во Тирана.

„Проблемот со Карло е што не може да ја освои Лигата на шампионите на чело на Евертон. Мојот проблем е што луѓето мислеа дека земам работа само за да освојувам трофеи. Историјата се повторува премногу пати и не сум загрижен. Луѓето можат мирно да зборуваат за тоа“, изјави Мурињо една недела пред натпреварот на Рома со Феенорд.

Во последните 20 години, Португалецот триумфираше на различни турнири на УЕФА со Порто, Интер и Манчестер Јунајтед. Искусниот стручњак ги предводеше Порто и Интер до триумф во Лигата на шампионите.

„Кога не чувствувате тензија пред натпреварите, тоа значи дека е готово. Јас го знам тоа за себе, но го познавам и Карло Анчелоти премногу добро. Кога имате страст и квалитети, зависи од нас. Ние ќе одлучиме кога ќе се откажеме, треба да почекате, нема да се откажеме наскоро“, изјави Мурињо.

Карло Анчелоти го предводи Реал Мадрид до финалето на Лигата на шампионите против Ливерпул. Италијанецот ја освои Лигата на шампионите со Милан и Реал Мадрид, како и Купот на УЕФА со Челси.

Слични содржини