ВР денеска,во Јавното Обвинителство, го достави извештајот од увидот во модуларната болница во Тетово која на 8 септември целосно изгоре во пожар а во трагедијата животот го загубија 14 лица, главно хоспитализирани пациенти.
„Во момeнтов се врши сослушување на членови на Комисии за импелементација, следење и технички прием на модуларните монтажни контејнери, кои биле со решение формирани од Министерството за труд и социјална политика“, соопштија од Обвинителството.
Премиерот вели дека ги очекува извештаите и анализите од вештачењето за да ја реши дилемата со оставките на министрите.
-Јас знам дека форензичките извештаи и анализите на вештачењето се при крај и навистина очекувам да се објават. Ден поскор е подобро за да се решат дилемите.Ред е да се објави тој извештај за јас да го кажам својот став за понудените оставки, кажа премиерот Зоран Заев.
Заев додаде дека животот продолжува и ако што кажа, политичарите се во кампања и се случуваат секојдневни активности.
-Ред е да се објави тој извештај, за да можам секако и јас, да го кажам својот став во врска со оставките на министерот за здравство и заменик-министерот, изјви Заев.