Преговорите за Брегзит влегуваат во клучна фаза, бидејќи од летото нема напредок за спорното право на риболов во британските води.
Остануваат помалку од седум недели до крајот на периодот што требаше да биде преоден, а министерот за надворешни работи на Ирска, Симон Конвини рече дека преговорите не одат добро кога станува збор за риболов, пишува Гардијан.
„Ако нема значителен напредок во следната недела до десет дена, мислам дека навистина ќе бидеме во неволја и фокусот ќе биде на подготовките за Брегзит без договор“, рече Ковини. „Мислам дека британската влада добро разбира што е потребно за да се постигне договор и вистинското прашање е дали има политички апетит да се постигне тоа. Верувам дека ќе постигнеме договор, но нема да бидам изненаден дури и ако нема договор“.
Како започна сè и зошто е важен риболовот
Велика Британија ги напушти политичките структури на ЕУ на 31 јануари, а економската на 31 декември, кога завршува 11-месечниот преоден рок. Дотогаш, двете страни се обидуваа да склучат нов трговски договор, но разговорите се продлабочија околу прашањата што вклучуваат права на риболов во водите на Велика Британија и правила за фер конкуренција на претпријатијата.
Двете страни велат дека доколку Велика Британија не постигне договор до следниот месец, на први јануари, ќе се соочи со економски скап и штетен излез од ЕУ без договор.
Рибарските права се една од главните пречки за преговорите, а британскиот премиер Борис Џонсон досега одбиваше да попушти пред барањата да им се дозволи на рибарските бродови на ЕУ постојан пристап до британските води.
Официјалните лица стравуваат дека тоа може да доведе до нова „риболовна војна“ кога британските бродови поддржани од морнарицата се судрија со исландската крајбрежна стража во неуспешниот обид да ги задржат риболовните права во Северен Атлантик.