Намалувањето на платите на играчите за 20% во Премиер лигата во текот на следните три месеци е една од мерките што се дискутираа вчера за време на виртуелната средба меѓу претставниците на Премиер лигата, пониските дивизии и Професионалното здружение. Сè уште не е донесена конечна одлука, но ова е една опција да бидат спасени клубовите од понизок ранг кои немаат ресурси да се справат со кризата, како што можат да направат елитните клубови и водечките такви од Чемпионшип дивизијата.
Ова може да собере над 100 милиони фунти, што ќе биде огромна помош за малите клубови. Во моментов, годишно се исплаќаат над 2 милијарди фунти за плати во Премиер Лигата.
Не беа објавени конкретни решенија по вчерашната средба за решавање на економското влијание на пандемијата КОВИД-19, но објавеното соопштение потенцира дека „тешките одлуки“ за справување со ситуацијата допрва треба да се преземат.