Шпанскиот тенисер Рафаел Надал ја заврши сезоната рано поради повреда на стапалото, а едно од главните прашања е кога ќе се врати на теренот.
Имено, Надал не беше на Вимблдон, Олимписките игри и УС Опен поради незгодна повреда на стапалото, но „Бикот од Мајорка“ успешно се опоравува по операцијата и, според Тони Надал, треба да го видиме во Австралија.
„Работите се подобруваат. Се проценува дека Рафаел ќе започне да игра во Австралија. Дотогаш, се треба да биде како што треба. Убеден сум дека ќе биде. Идејата е да имаме одлична 2022 година и бидете сигурни дека Рафа ќе вложи максимални напори за да се случи тоа“, рече Тони Надал.
Вујкото на Рафаел Надал и неговиот долгогодишен тренер Тони сега јавно кажаа дека многу тенисери претеруваат и не ги проценуваат добро своите способности, а многу веројатно е дека мислел и на Рафа.
„Фрустрацијата доаѓа од лична лоша проценка. Мислите дека работите мора да се одвиваат добро затоа што така сте процениле и се борите со тоа што не дозволувате да разберете каква е ситуацијата. Ако сте фрустрирани имате проблем и единствениот начин да се реши тоа е со прифаќање на реалноста. Мора да знаете дека нештата не секогаш ќе се одвиваат онака како што вие би сакале, бидејќи така сте замислиле“, рече Тони Надал.
Тој зборуваше и за Новак Ѓоковиќ и неговиот пораз во финалето на УС Опен.
„Два ривали се сретнаа, а вториот во светот победи. Иако е одличен тенисер, тој исто така е под притисок и тоа се виде во финалето“, додаде Тони.