Упатството на повеќето јавни здравствени установи низ светот е дека здравите луѓе не треба да носат маски.
Исто така, од почетокот на кризата со „Ковид-19“, позицијата на Светската здравствена организација (СЗО) е јасна: маските треба да ги носат оние кои имаат симптоми на некои респираторни заболувања и оние кои работат на првата борбена линија против „Ковид-19“, пред се медицински персонал.
Сепак, пристапот на западните земји е различен од оној во Кина, Јапонија, Хонг Конг, Тајван и Јужна Кореја, каде повеќето здрави лица носат маски. Владите на овие земји го охрабруваат населението да носи маски, а во некои делови на Кина може да бидете уапсени и казнети ако не носите, пишува хрватскиот весник „Јутарњи“.
Постојаното носење маски е добар потсетник за опасноста од вирусот и може да промовира промени во однесувањето и подобра лична хигиена. За жал, не секој е во можност да добие соодветна заштитна маска, па затоа луѓето се снаоѓаат на свој начин, што може да изгледа прилично смешно. Погледнете какви идеи се појавија низ целиот свет.
