Американската воена база лоцирана на исток од сириската провинција Деир ел-Зор беше цел на ракетен напад. Војниците возвратиле, објави сириската државна телевизија „Сурија“.
Инцидентот се случил во областа на нафтеното поле Омар. Според медиумите, „илегалната база“ ја надлетува воената авијација.
BREAKING: Multiple rocket launcher (MLRS) fired by Iran-backed forces against US base in Omar oil field in Syria pic.twitter.com/7BUMlNeDWb
— Insider Paper (@TheInsiderPaper) June 28, 2021
Американската коалиција го потврди ракетниот напад врз нејзините сили во Сирија, нема повредени, напиша на Твитер претставникот на коалицијата полковник Вејн Марото.
Според првичните податоци, ракетниот напад се случил околу 19:44 часот по локално време. Марото истакна дека американските војници отвориле оган во самоодбрана.
Нападот се случи еден ден откако американските воздушни сили извршија напад врз позициите на проиранските сили на границата меѓу Сирија и Ирак.