Навални изгубил 15 килограми во затвор, му се закануваат со присилно хранење

од Stefanija Kuzmanovska

Администрацијата на затворот во кој се наоѓа Алексеј Навални се заканува дека присилно ќе го храни, бидејќи критичар на Кремљ штрајкува со глад и изгуби 15 килограми откако пристигна во затворот минатиот месец, соопштија сојузниците на затворениот опозициски лидер.

Навални има 77 килограми, што е осум килограми помалку од тежината на почетокот на штрајкот со глад и 15 килограми помалку од тежината за време на неговото пристигнување во казнената колонија, објавено е на официјалниот Твитер профил на Алексеј Навални.

„Увидувајќи ја сериозноста на штрајкот со глад, администрацијата се заканува дека ќе започне со присилно хранење секој ден. Во исто време, Алексеј е префрлен од медицинскиот оддел“, се додава во соопштението.

Сојузниците на Навални тврдат дека затворската администрација не дозволува затвореникот да биде прегледан од надворешен лекар.

Слични содржини