НАВАЛНИ ПУШТЕН ОД БОЛНИЦА: Се опоравил, но се стравува од долгорочни последици од наводното труење

Рускиот опозициски лидер Алексеј Навални ја напушти берлинската болница каде се лекуваше откако на 20 август, наводно, беше отруен со нервниот агенс „новичок“.

Веста ја потврди болницата „Шарита“ на својот профил на Твитер.

Навални се лекуваше 32 дена, а германската болница соопшти дека иако е можно целосно закрепнување, се стравува од долгорочни последици од труењето.

Да потсетиме, Навални му се слоши во авион во Русија минатиот месец, а подоцна беше пренесен во болница во Берлин. Иако првично се сметаше дека е отруен на аеродромот, најверојатно со чајот кој го испил, неговиот тим смета дека сè започнало во хотелот во Томск.