На 7 мај, во Скопје, доаѓа Папата Франциск во Апостолска посета на Република Северна Македонија. Ги повикуваме сите граѓани кои се заинтересирани да присуствуваат, да подигнат билет за настанот од било која католичка парохија во државата, најдоцна до 3 мај 2019 година, велат организаторите. Во продолжение прочитајте како да добиете влезница, а прочитајте ги и посебните правила:
Секој оној кој ќе сака да присуствува на светата литургија на плоштадот Македонија во Скопје, е потребно да се регистрира и да добие влезница. Влезниците се бесплатни за сите.
За граѓаните на Република Северна Македонија, почнувајќи на 22 април, подигнувањето на бесплатните влезници ќе се врши во следниве католички Парохии:
Скопје
Католичка катедрала „Пресвето Срце Исусово“
Адреса: Петар Поп Арсов 47
Охрид
Католичка црква „Св.Бенедикт“
Адреса: Партизанска б.б.
Штип
Католичка црква „Свето Благовештение“
Адреса: Страшо Пинџур бр. 45
Битола
Католичка црква „Пресвето Срце Исусово“
Адреса: Широк Сокак бр. 63
Куманово
Католичка црква „Св. Иван Крстител“
Адреса: „Бранко Богдански – Гуцман“ бр. 14
Струмица
Католичка катедрала „Успение на Пресвета Богородица“
Адреса: Маврово бр. 28
Католичка црква „Св.Иван Крстител“
Адреса: Св.Климент Охридски бр. 236
с. Радово
Католичка црква „Св.Пророк Илија“
Адреса: с.Радово
Богданци
Католичка црква „Св.Кирил и Методиј“
Адреса: Коста Поп Ристов бр. 4
с. Нова Маала
Католичка црква „Успение на Пресвета Богородица“
Адреса: с.Нова Маала бр. 67
Католичка црква „Св.Великомаченик Ѓорѓи-Чанаклија“
Адреса: с.Нова Маала
Гевгелија
Католичка црква „Св. Петар и Павле“
Адреса: Илинденска б.б.
с. Секирник
Католичка црква „Св. Никола“
с. Петралинци
Католичка црква „Св. Кирил и Методиј“
с. Сарај
Католичка црква „Св. Димитриј Великомаченик“
НАПОМЕНИ И УПАТСТВА ПО ПОВОД ДОАЃАЊЕТО НА ПАПАТА ФРАНЦИСК ВО СКОПЈЕ НА 7 МАЈ 2019
1. Напоменуваме дека би било добро автобусите и личните автомобили да бидат обележани со плакат или некаков знак за распознавање (препорачуваме тоа да биде официјалното лого за посетата). На влезовите во градот ќе има полиција која ќе ве насочува кон паркингот каде ќе ве дочекаат волонтери кои ако имате потреба ќе насочат кон плоштадот каде ќе се одржува Светата миса со папата Франциск. Освен на паркингот, личните автомобили ќе може да се паркираат и на местата кон кои ќе ве насочат полицајците.
2. Учесниците треба да пристигнат во Скопје најдоцна до 6 часот. Потребно е да се пристигне во ова време заради безбедносните прегледи кои ќе се вршат на патиштата, а од 7 часот улиците во централното градско подрачје ќе бидат затворени за сообраќај.
3. Влезот во литургискиот простор ќе биде отворен од 6 часот, а до 9 часот сите пријавени учесници треба да се наоѓаат на плоштадот.
4. Во литургискиот простор на плоштадот „Македонија“ ќе може да влезат само пријавените учесници со приложени влезници кои предходно ги добиле при регистрацијата или од водачот на групата.
5. Пред влезот во литургискиот простор ќе биде извршен полициски преглед. По влегувањето, секој присутен треба да ги почитува следните правила на однесување.
Забрането е:
носење на експлозивни направи, пиротехнички средства (запалки, петарди, факли, „бенгалки“ и сл.), запаливи смеси и течности, спрееви и шишиња со компримиран воздух, огнено и ладно оружје (ножеви, сите видови метални предмети, шипки, палки, ланци, ножици, жилети, комплети за маникирање, метални прибори за јадење и сл.);
предмети погодни за повредување и самоповредување;в) храна и пијалоци во метална и стаклена амбалажа;
сите видови на алкохолни пијалоци и чадори;
транспаренти и големи знамиња.
Сите учесници со себе треба да имаат:
влезница и личен документ (свештени лица и верници):
лична карта (за учесниците од Македонија) или пасош (за учесниците надвор од Македонија);
здравствена книшка и историја на болеста за хронично болните, како и најпотребните лекови кои ги користат;
вода, освежувачки пијалоци во проѕирна пластична амбалажа, а доколку носат храна таа треба да биде во картонска или хартиена амбалажа;
препорачуваме мантил за дожд заради можна заштита од дожд.
Правила на однесување за време на светата Литургија
кога Светиот Отец ќе минува меѓу присутните не е дозволено фрлање на било какви предмети, дури ни цвеќе;
во текот на литургиската прослава не е дозволено ракоплескање.
Препораки
присутните со себе да не носат поголема количина на пари или предмети со поголема вредност заради можните ограбувања или губења на истите;
следење на временската прогноза и носење на облека во согласност со времето и со правилата за облекување на литургиска прослава;
почитување на упатствата кои ќе ги даваат водителите на програмата, волонтерите и полицијата;
доколку некој има потреба од здравствена помош, да се обрати до најблискиот волонтер, кој ќе биде означен со препознатлива ознака.
Ве замолуваме да внимавате на хигиената на просторот каде ќе се движите!
Повеќе информации на сајтот Папа.мк.