Французинот Беноа Пер не успеа да се пласира во следната рунда на Мастерсот во Париз, но имаше интересна порака.
Тој беше поразен од Пабло Карењо Буста со 6:3, 6:4 и така разочаран го напушти натпреварувањето во Берси.
Пер, кој моментално е на 47. место на листата, коментираше на темата вакцинирани и невакцинирани тенисери и дали двојната доза од вакцината ќе биде услов за настап на Австралија опен.
Истакна дека за него е подобро да дојдат што помалку врвни играчи во Мелбурн, доколку не се вакцинирани.
„Не давам 5 пари за оние што не се вакцинирани. Искрено, ако не играат, добро е за мене. Бев позитивен на УС Опен 14 дена, сите играа, а јас седев во собата. Ако момците не сакаат да се вакцинираат и не сакаат да играат на Австралија опен, подобро“, изјави Пер.
Исто така рече дека е многу мотивиран да биде подобар следната сезона.
„Ако одам само јас, ќе бидам многу среќен“, се пошегувал тој и додаде: „Можете да видите дека и онака не ми е грижа што прават другите играчи. Мотивиран сум да имам многу добра следната сезона. Ако има такви кои се плашат да се вакцинираат, нека биде така и нека останат во Европа“, заврши францускиот тенисер.