Синот на демократскиот кандидат Џо Бајден, Хантер Бајден, се најде во центарот на вниманието само неколку недели пред изборите, откако се откри еден куп досиеја кои укажуваа дека тој имал врски со кинески компании кои можат да бидат поврзани со кинеската влада и дека наводно го мешал и Џо Бајден во неговите работи, иако тој подоцна го негираше тоа.
Неодамна објавената истрага против Хантер Бајден се однесува не само на обвинувањата за кршење на даночните закони, како што рече тој во изјавата, туку и на други аспекти на неговите деловни работи, објави „Политико“, повикувајќи се на анонимни извори.
Според извештајот, истражителите внимателно ги проучуваат финансиите на Хантер, странските врски и потенцијалното учество во шемата за перење пари.
Јужниот округ во Њујорк ги контролира финансиите на Хантер Бајден, додека истражителите од Делавер (кои исто така ги испитуваат неговите даноци) и Вашингтон ги испитуваат неговите врски со странски компании и можните шеми за перење пари. Помладиот Бајден извести за даночната истрага само во своето обраќање на 9 декември, во кое тој изрази верување дека нема да се открие пропуст.
„Јас многу сериозно го сфаќам ова прашање, но убеден сум дека професионалното и објективно разгледување на овие случаи ќе покаже дека легално и соодветно ја водев својата деловна активност, вклучително и услугите на професионалните даночни советници“, рече Бајден.
Еден извор тврди дека финансиските врски на Хантер Бајден со странски компании биле главниот фокус на истрагата. Истрагата за перење пари првично беше иницирана од јужниот округ на Њујорк во врска со случај на измама со хартии од вредност против еден од поранешните деловни партнери на Бајден, Девон Арчер, се наведува во извештајот.
Ниту истражните тимови ниту Министерството за правда на САД не ги коментираа наводите на „Политико“.