Ова е период кога многумина се под голем стрес. Сепак, не треба да го исфрламе нашиот стрес на другите луѓе.
Ако ги правите овие 4 работи, грешите! Другите луѓе често „страдаат“, а воопшто не се виновни.
1. Се изолирате од другите
Изолацијата од другите обично ја применуваат луѓе кои се чувствителни на својата околина и веруваат дека најдобро можат да ги контролираат своите чувства кога се сами. Се исклучуваат затоа што забележуваат дека нивната интеракција со другите го зголемува нивниот стрес или дека тие им предизвикуваат стрес на другите.
Луѓето во вашиот живот можат да бидат загрижени и да се прашуваат дали направиле нешто погрешно или се дел од проблемот. Ако им ја одземете можноста да бидат со вас, тие би можеле да се чувствуваат беспомошни и фрустрирани, што може да доведе до зголемена напнатост во вашите односи.
2. Зборувате за вашите проблеми, не ги слушате другите додека зборуваат
Понекогаш се чувствува добро да се ослободите од сè што ве мачи, особено ако се чувствувате подобро по таков разговор.
„Тоа може да ви помогне не само да се чувствувате помалку осамени во вашите проблеми, туку и да ги обработувате вашите чувства додека ги кажувате на некој на кој му верувате“, рече психологот Аманда Дарнли. Сепак, зборувањето само за нечии проблеми без „враќање на услугата“, односно слушање на соговорникот, може да биде емоционално понижувачко за другите.
3. Се потпирате само на еден пријател
Луѓето обично премногу се потпираат само на една личност затоа што потпирањето на другите ги прави вознемирени. Тие не им веруваат на многу луѓе. Оваа „безбедна личност“ е обично партнер, сопруг, родител, брат или сестра, пријател.
Потпирајќи се на некој што не е наша „безбедна личност“, ризикуваме да бидеме критикувани, отфрлени или да не го добиеме посакуваниот совет. Стравот од негативен исход исто така придонесува за ваквото однесување
Меѓутоа, тогаш таа личност може да почувствува притисок дека целата одговорност е врз неа да ви помогне или да се обвини ако реагира погрешно, и може да биде фрустрирана со вашето однесување. Со текот на времето, оваа стратегија за справување може да создаде трајно оштетување на вашите односи и менталното здравје на таа личност.
4. Се преправате дека сте добро
Ако се преправате дека сте добро и кога не сте, им испраќате порака на луѓето кои се грижат за вас дека не им верувате или дека не е во ред да се биде под стрес.
„Ако сфатат дека се преправате, можеби нема да знаат како треба да се однесуваат. Можеби ќе се обидат да одговорат на вашите вистински емоции, но веројатно нема да успеат затоа што ги криете“, објасни психологот.