Нејмар го победи коронавирусот, Мбапе се уште се бори

Бразилецот Нејмар, првата ѕвезда на Пари Сен Жермен, се опорави од коронавирусот.

Брзоногиот напаѓач, кој го пропушти првиот натпревар на „светците“ во новата сезона од Лига 1 против Ленс (1:0), имаше негативни резултати на последните тестови, а тие информации ги сподели на Твитер, пишувајќи дека е пресреќен и се враќа на тренинзите.

Покрај Нејмар, во парискиот табор беа заразени Килијан Мбапе, Анхел ди Марија, Леандро Паредес и Мауро Икарди.

Да потсетиме, ПСЖ претрпе неочекуван пораз на стартот од францускиот шампионат практично без половина од првиот тим, откако Ленс беше подобар од нив со минимални 1:0.