Нејмар не ги примил добро свирежите во неделата

Напаѓачот на Пари Сен Жермен, Нејмар е вознемирен од однесувањето на навивачите на тимот за време на вчерашниот натпревар од Лига 1 со Бордо, пишува „Екип“.

Навивачите на тимот од Париз за време на натпреварот го исвиркуваа и навредуваа Бразилецот и неговиот соиграч Лионел Меси. Навивачите се незадоволни од настапите на двете ѕвезди за време на осминафиналето со Реал Мадрид во Лигата на шампионите. ПСЖ испадна по поразот во Мадрид со 1:3.

Нејмар се запиша против Бордо, но тоа не го намали гневот на навивачите. По натпреварот Бразилецот замина во Барселона да ги посети своите роднини.

Претходно медиумите пишуваа дека е можно Меси и Нејмар да го напуштат ПСЖ по завршувањето на сезоната.