Италијанската фудбалска федерација објави дека официјалното суспендирање на сите натпреварувања е на сила до 14 јуни, што се чини дека ја загрозува можноста првенството да продолжи на 13 јуни како што сака италијанската фудбалска лига.
Во соопштението објавено во понеделникот вечер, Федерацијата појасни дека одлуката била во согласност со мерките што се преземени од страна на италијанската влада за борба против коронавирусот. Според овие мерки, сите спортски натпревари во Италија се забранети до 14 јуни.
Федерацијата, исто така, сподели дека ја донеле својата одлука „чекајќи понови и попожелни одлуки на надлежните органи“, што значи дека можноста за продолжување на италијанскиот шампионат не е во целост исклучена.
Минатата недела, во Серија „А“, која собира заедно 20 клубови од првата лига, најави дека сака да го продолжи шампионатот на 13 јуни, кој беше суспендиран на 9 март поради коронавирус.
Наскоро треба да се одржи средба меѓу италијанскиот премиер Џузепе Конте и лидерите на лигата. Технички и научен комитет кој ја советува владата наскоро треба да даде препорака за нов санитарен протокол за светскиот фудбал.
Оваа нова верзија, помалку строга од првата, повеќе не предвидува колективен карантин ако еден играч или член на персоналот е позитивен на коронавирус.
Германската Бундеслига е прва од најголемите европски лиги што го продолжи првенството овој викенд. Франција го заврши шампионатот и го прогласи за шампион ПСЖ, а Шпанската Ла Лига планира да го продолжи шампионатот на почетокот на јуни.