Супермоделот Синди Крафорд го испрати својот син на преглед кај психијатар, откако тој направил тетоважа на лицето, на која пишува „неразбран“, а подоцна објавил клип со митралез. Најверојатно, 20-годишното момче се нашло под влијание на лошо друштво, пишува „Дејли мејл“.
Синот на Синди – Присли Гербер, себеси се смета за „лошо момче“ и успешно влегува во оваа слика со тетоважа на лице и клип со тешко оружје.
Сепак, трпеливоста на неговата мајка истекла и таа го принудила да оди кај психијатар.
Според членовите на семејството, ова не е првпат Синди да го испрати својот син Пресли на психијатар.
„Првиот пат беше кога Присли се опиваше и возеше под дејство на алкохол, за што беше уапсен и осуден“, велат блиски до семејството.
Синди Крафорд е позната како строга мајка откако неодамна влезе во конфликт и со својата ќерка, забранувајќи ја да се гледа со познат холивудски плејбој.