Евгенија Симонова (37), руска манекенка, се здобила со фатални повреди на главата откако, најверојатно под дејство на дрога, паднала од балкон од 8-ми кат во станбен комплекс во одморалиште во Пукет, Тајланд.
Според „Мирор“, Русинката непосредно пред смртта емитувала видео во живо на веб-страница за возрасни.
Симонова на 25 мај отпатувала за Пукет, Тајланд, а нејзиното тело било пронајдено во раните утрински часови во вторникот.
По инцидентот, друга Русинка по име Наталија Косенкова е приведена со двајца мажи, под сомнение дека заедно со Симонова конзумирале дрога.
Жената која беше уапсена ги негираше извештаите на тајландските медиуми дека се занимавала со проституција, и покрај тврдењата дека тајландските власти пронашле обвивки од кондоми и мелен канабис на местото на забавата.
Таа изјавила и дека до таа вечер не го познавала Симонова.
„Таа штотуку дојде на забавата на која бевме. И покани пријател кој исто така дојде и се однесуваше несоодветно“, рече Коснекова.
Полицискиот генерал-мајор Сермфан Сирикон изјави дека има три опции – дека се работи за несреќа, самоубиство или убиство.