Нетанјаху: Израел му зададе удари на Хамас што не ги очекуваше

од Stefanija Kuzmanovska

Израелскиот премиер Бенјамин Нетанјаху рече дека палестински Хамас „добил удари што не ги очекувал“ и дека Израел ја вратил екстремистичката организација назад „со години“.

Нетанјаху го рече тоа за време на посетата на воздухопловната база во близина на Бершева на југот на Израел, додека се слушале сирени за ракетна тревога, пренесоа израелските медиуми.

„Нашите непријатели ја гледаат цената што треба да ја платат за агресијата против нас“, рече израелскиот лидер.

Тој најави продолжување на операцијата „сè додека е потребно да се врати затишјето за граѓаните на Израел“.

„Не се сомневам дека ги вративме многу години назад“, рече израелскиот премиер.

Кабинетот на Нетанјаху објави видео на кое премиерот зборува пред борбен авион Ф-16, пренесе Асошиејтед Прес.

Нетанјаху ја посети воената база на југот на земјата на деветтиот ден од конфликтот меѓу израелската армија и палестинските екстремистички организации во Газа, во кој беа убиени 213 Палестинци и 12 лица во Израел.

Слични содржини