Повеќе од стотина луѓе, меѓу кои и многу обожаватели на Џони Деп и некои од странство, кампуваа пред Окружниот суд во Вирџинија во средата вечерта со надеж дека ќе присуствуваат на судењето за клевета на актерот против неговата поранешна сопруга Амбер Херд.
„Тука сме синоќа од 20:30 часот“, рече Габриел, обожавателка на Деп која дошла од Северна Каролина. Останатите групи, кои ги подготвија вреќите за спиење, пристигнаа речиси во исто време.
Деп ја тужи Херд за 50 милиони долари поради написот од 2018 година во која тврди дека била жртва на семејно насилство.
Over 100 people camped outside the Fairfax County Courthouse last night, some coming from other countries, in hopes to see the #JohnnyDepptrial pic.twitter.com/kWhVK8yKO8
— Lisa Bennatan (@LisaBennatan) May 18, 2022
Името на актерот од „Пиратите од Карибите“ не се споменува во текстот, но неговите адвокати тврдеа дека се уште е можно да се идентификува и дека обвинувањата му ја уништиле кариерата во Холивуд.
Луѓето кои стоеја во редот пред судот се надеваа дека ќе добијат едно од 100-те места во главната судница. Речиси сите што зборуваа за странските медиуми изјавија дека се таму за да го поддржат Деп, кој негираше дека физички ја малтретирал Херд.
„Ние сме тим Џони“, рече една жена која беше во групата и чекаше на ред од 3 часот наутро.
Слично се чувствувала и Софија, која стоела до своето куче покриено со натпис „Правда за Џони Деп“.
Други, исто така, сметаа дека тоа е важно судење кое го нагласува семејното насилство врз мажите.