Актуелно
Почетна / Македонија / Николовски: Не сум прекршил никаков карантин, ниту некогаш ќе го игнорирам поставениот ред

Николовски: Не сум прекршил никаков карантин, ниту некогаш ќе го игнорирам поставениот ред

„Благодарен сум и среќен што на истокот каде што е мојата изборна единица, мерките се помалку рестриктивни и нема целосна забрана на движењето, па имав шанса на кратко да отидам на чист воздух до Берово, во најубавата природа од овој дел од земјата“, реагира генсекот на СДСМ, Љупчо Николовски откако предизвика револт на социјалните мрежи со фотографија од Беровско езеро, каде престојувал, за време на 80-часовниот карантин.

„Ви го пишувам ова од мојот роден град, Крива Паланка. Не сум прекршил никаков карантин, ниту некогаш ќе го игнорирам поставениот ред. Има други неодговорни политичари и поединци кои го прават тоа, и со лажни вести истото нема да им се покрие.

Верувам дека ова е последниот ваков викенд и дека сите сфативме дека до победа над вирусот се доаѓа само со дисциплинирано држење до мерките и со силна ангажираност и одговорност од секој од нас. Нема друг начин.

Да го оставиме сето ова зад нас што побрзо. Знам дека можеме“, додава тој.

loading...