Службените возила повеќе нема да се користат во приватни цели, информира денеска заменикот на Претседателот на Владата за борба против корупција и криминал, Љупчо Николовски.
Тој соопшти дека во вторник, на Владина седница ќе биде донесена одлука за употреба на службените возила која што точно и јасно ќе пропишува кој може да располага со службеното возило кај директорите на централно и локално ниво.
-Со одлуката регулираме и кој се од редот на вработените ќе може да користи службено возило. Исто така одлуката предвидува да не може да се користи службено возило за одење дома од работа и за одење од дома на работа.По извршувањето на службеното дејство возилата ќе мора да се враќаат назад во институцијата!, напиша Николовски на социјалните мрежи.