Николовски: Увозот на жито од Србија ќе започне наредната недела

од Nikola Popovski

Тоа зависи од трговските партнери. Нашиот дел заврши. Работата на државата заврши. Нашиот дел беше да ја тргнеме забраната на Србија, изјави министерот за земјоделство и шумарство, Љупчо Николовски пред новинарите за тоа кога се очекува најавената испорака на жито од соседна Србија.

Николовски соопшти дека во Белград биле информирани дека и многу европски земји бараат испорака на жито од Србија.

-Приоритет имаат земјите од Отворен Балкан. Македонија и Србија се основачи. Ние сега имаме отворен пазар, дијалог, соработка. Искомунициравме за количините со сите компании. Договорот кој што е постигнат е дека се отстранува забраната и ќе се реализираат сите договори меѓу трговските партнери. Ние како држава не ги договараме количините, туку ги креираме политиките и да ја тргнеме забраната. Очекуваме следната недела да помине на одлука на Влада во Србија и веднаш да почне транспортот. Очекувам следната недела да бидат завршени сите формалности, информира Николовски при посетата на фабриката за сончогледово масло „Брилијант“.

Слични содржини