Вицепремиерот за задолжен за борба со корупција Љупчо Николовски на седница за пратенички прашања го повика МВР заради „целосно расчистување на маглата, лагите, конструкциите” од опозицијата и да го објави записникот или изјавата од сопственикот на компанијата „Рубитон” во врска со последната афера што ја обелодени ВМРО-ДПМНЕ за наводен рекет и фалсификување документи, како и за тендерите во РЕК Битола .
-Договорот со фирмата „Рубитон“ која ископувала јаловина, односно земја во рудникот Суводол е раскинат од страна на РЕК Битола на 7 ноември 2018 година затоа што фирмата не го вршела ископот со динамика и количини предвидени со договорот. За тоа постојат записници и други релевантни дoкументи од стручните служби на РЕК, а вчера беа објавени јавно од компанијата ЕСМ, рече вицепремиерот.
Николовски од собраниската говорница рече дека зад континуираните напади кон РЕК Битола, конкретно за случајот „Рубитон“ се кријат и други причини кои вие од ВМРО-ДПМНЕ дпбро ги знаете.
-Сопствениците на оваа фирма се во блиски родниниси врски со поранешниот директор на РЕК Битола од времето на владеењето на режимот на ВМРО-ДПМНЕ. Само во периодот од 2015 до 2018 оваа компанија од РЕК Битола има наплатено 6 милиони евра за истата работа. На крај, сите документи поврзани со овој случај се наоѓаат и кај судските инстанции и во РЕК Битола. Јавноста и Мицкоски можат да ги дознаат. Зад целиот овој случај не стои тој што е номиниран од страна на вашиот лидер, туку Александар Јанев, началник во време на техничка влада на ВМРО-ДПМНЕ, поставен од Наќе Чулев, а по налог на Христијан Мицкоски, рече Николовски.
Тој посочи дека Христијан Мицкоски извртува факти и ја манипулира јавноста зашто нема став, идеја и понуда како да победи на избори.
– Извртува факти и ја манипулира јавноста зашто нема став, идеја и понуда како да победи на избори. Затоа штанца измислици и нема лице да ги каже на прес-конференција, туку на брифинг во скапата палата, рече вицепремиерот Николовски.