Хрватската пејачка Нина Бадриќ откри дека пандемијата на коронавирус навистина ја сменила, а потоа се шокирала кога открила дека се соочува со нејзиниот демнач кој на нејзиниот автомобил ставил уред за следење.
Инаку, во април годинава, пејачката се сретна на суд со пензионер, кој ја следел две години. Сега, за прв пат откри која ситуација пресудила за да и се обрати на полицијата и колку живеела во страв.
– Замислете како е да се живее со знаење дека некој постојано ве следи и секогаш ве демне? Дека ја знае вашата адреса, дека доаѓа пред вашиот праг, ви ѕвони на врата, дека го поминува летото каде летувате и спие во хотелите каде што настапувате. Дека тој знае каде сте во секое време и дури да најдете уред за следење на автомобилот. Јас сум најмногу благодарна на полицијата со која контактирам, бидејќи овие работи воопшто не се безопасни. За жал, многу пати сум поминала низ такви ситуации во животот и се надевам дека никогаш повеќе нема да морам да се соочувам со такви луѓе, а тоа на никого не би му посакала – рече Нина за хрватски „Јутарњи“.