Непишано правило вели дека тоа што се произведува во Германија гарантира квалитет и сигурност. Слично е и со вакцината против коронавирусот којаја чека целиот свет. И иако Русите беа први на светот што регистрираа вакцина против оваа чума, бројките велат дека единствената вакцина што луѓето би ја примале масовно доброволно ќе биде онаа од Германија. Најдобар доказ за тоа е фактот дека пред еден месец, околу 4.000 доброволци се пријавиле да учествуваат во истражувањето за откривање на вакцината против коронавирус во Универзитетската болница во Тибинген.
„Тоа е вистинска луксузна ситуација, за разлика од вообичаените клинички испитувања“, рече директорот на тогашната студија, Питер Кремснер од Институтот за тропска медицина.
Тој додаде дека инаку имаат проблем со наоѓање на доволен број волонтери за тестирање.
Клиничка студија започна на универзитетската клиника во средината на јуни за да се тестира толеранција кон вакцина што ја разви биофармацевтската компанија „CureVac“ во Тибинген.
„Досега се беше во ред“, рече Кремснер тогаш за неколку десетици од оние кои ја примиле вакцината во фаза I, додавајќи дека студијата не открила сензационални или загрижувачки детали или невообичаени несакани ефекти кај волонтерите.
CureVac работи на т.н. вакцини против mRNA. Тие дадоа упатства за градење mRNA за протеинот коронавирус Sars-CoV-2. По вакцинацијата, човечките клетки го произведуваат овој протеин, кој телото го препознава како туѓ. Телото потоа прави антитела и други имунолошки клетки против него.
Сју Ен Клеменс, инфектолог и член на тимот за истражување на CureVac, неодамна изјави дека компанијата ќе започне истражувањаа во Бразил во септември или октомври, каде има многу заразени лица.
Шефот на студијата, Питер Кремснер, рече дека првите, помали тестови во Германија досега поминале добро, и додаде дека тестирањето е извршено на 180 лица.
Масовна употреба следната година
Германија досега одобри грантови за неколку компании за биотехнологија за да им помогне да го забрзаат развојот на потенцијални вакцини против коронавирус, а германската министерка за наука Ања Карличек тогаш објави дополнителни средства за компаниите кои работат на наоѓање на вакцина против коронавирус. Сепак, пред околу десетина дена, таа ги „ублажи“ очекувањата дека вакцината може да биде готова пред средината на следната година.
„Не смееме да очекуваме чуда и мора да тргнеме од фактот дека вакцината за пошироката популација ќе биде готова кон средината на следната година најрано“, рече Карличек.
Потоа, минатата недела пристигна веста дека започнале тестови на луѓе за потенцијална вакцина против корона, што ја направиле во германската фармацевтска компанија BioNTech во соработка со кинеската компанија Фосун Фарма, во Кина.
Досега, 72 лица ја примиле првата доза на оваа пробна вакцина, откако кинеските власти ја одобриле фазата I. Оваа вакцина, позната како BNT162b1, исто така припаѓа на mRNA вакцината.
Светската здравствена организација соопшти дека од 24 јули досега има 25 вакцини против Ковид на глобално ниво, 19 во клиничка евалуација и над 140 вакцини во претклинича евалуација.
Трката за вакцината е исто така комплицирана затоа што е неопходно да се започне со производство паралелно со клиничките испитувања и потенцијално со загуба, пред да се знае дали вакцината воопшто е ефективна во масовна примена.