„Њујорк тајмс“ објави приказна за една група на луѓе што се обидувала да склопи профитабилен договор за да се обезбеди очајно потребната заштитна опрема. Во таквата измама бил вклучен и поранешниот македонски министер за привлекување странски инвестиции во владата на Никола Груевски, Глигор Ташковиќ. 
Според весникот, тоа е чудна група од ликови за мултимилионска драма со општински набавки, дури и во хаосот предизвикан од смртоносната пандемија на коронавирусот. Како дел од групата биле еден продавач на користени автомобили од Њу Џерси, поранешниот министер Ташковиќ и шеф на јавно трговско друштво кое планира да го претвори медицинскиот отпад во енергија во Род Ајленд.
Сепак, уште почудно е тоа што се чини дека имаат слабо искуство во склучување општински договори, или во добивање, тргување или испорака на она за што документите и запознаените луѓе велат дека се обидувале да го продадат во Њујорк.
Она што изненадува е, сепак, колку лошо завршило тоа за продавачот на половни автомобили, Роналд Романо. Г-н Романо (58) бил уапсен во вторникот утрото во неговиот дом во Маналапан, обвинет за измама и заговор за измама во врска со кривична пријава од три точки, откриена во Окружниот суд на САД во Менхетен. Тој бил обвинет за обид за измама од 45 милиони американски долари додека бројот на заразените од Ковид-19 брзо се зголемувал. Романо се претставувал како овластен дилер на марката 3М и понудил да му продаде на градот седум милиони маски за повеќе од 400 проценти маржа од наведената цена. Романо сега е ослободен со кауција од 200.000 американски долари.
Истрагата започнала минатиот месец откако 3М поднесе федерална постапка против компанијата на Романо, обвинувајќи го, меѓу другото, за лажно тврдење дека е овластен дистрибутер на многу бараната маска на 3M.
Едно лице во жалбата идентификувано како соучесник, врз основа на дадените детали, е Глигор Ташковиќ, поранешен министер за надворешни инвестиции за Македонија, кој работеше во индустријата за финансиски услуги и во моментов е со компанија наречена Д.А. Меѓународна група, според неговиот профил на Линкедин, пишува „Њујорк тајмс“.
Ташкович бил вклучен во дискусиите со Романо за продажба на маски во градот, велат документи и велат луѓето запознаени со случајот.
На 24 март, на пример, Ташковиќ му пратил мејл на Романо со тема „мисли за редот на градот Њујорк“ и се осврнал на „фактот дека оваа очекувана нарачка за купување е од градот Њујорк“ и вели: „Мислам дека ова ќе биде одлучувачкото што може да ги натера да му дадат приоритет на ова“.
Адам С. Кауфман, адвокатот на Ташковиќ, рекол дека неговиот клиент не е дел од никаква измама и дека соработувал со владината истрага, доброволно давајќи информации и материјали.
Според весникот, истрагата е се уште во тек.