269
Преку социјалната мрежа Твитер носител на изборна листа на една политичка партија во една од изборните единици се придружи кон ширењето говор на омраза насочен кон дописничката на МИА од Брисел, Тања Милевска.
Името на носителот нема да го објавиме поради изборниот молк, а твитот веќе наиде на осуда во јавноста.
Денеска и Европската комисија преку писмено соопштение реагираше на вербалните напади и говорот на омраза на социјалните медиуми кон Милевска. И Владата преку соопштение ги осудува нападите со говор на омраза врз новинарката Тања Милевска и врз кој било друг новинар и граѓанин воопшто.