Еден од најактивните европски вулкани Етна повторно еруптираше и исфрла лава низ своите кратери на источниот брег на Сицилија во близина на Месина и Катанија, пишува Анадолија.
Новата фаза на еруптивна активност започнала во доцните вечерни часови на 12 мај и се уште е во тек.
Лава излегува од нова еруптивна пукнатина на северната страна на југоисточниот кратер.
Ponovo eruptirao vulkan #Etna https://t.co/3lyRsiijyL pic.twitter.com/ODcWkPTvOv
— ANADOLU AGENCY (BHS) (@aa_balkans) May 17, 2022
Во исто време, ерупциите на пепел и чад наизменично се менуваат од новиот отвор во близина на врвот на северниот раб на кратерот.
Етна е најголемиот и најактивниот вулкан во Европа. Неговите чести ерупции често се придружени со големи текови на лава, но ретко претставуваат опасност за населените области.
Етна е еден од вулканите со најдолги историски записи за ерупции, кои датираат повеќе од 2.000 години.
Фото: Platania/Fotogramma / Zuma Press / Profimedia