Нова криза избувна во кинескиот град Вухан, од каде потекнува пандемијата на коронавирус. Поради рекордните дождови и поплави во Кина, загрозени се милиони луѓе во тој град лоциран на реката Јангцекјанг, а нивото на заштита од поплави е подигнато на второ ниво. 
Многу силен дожд паѓал веќе два дена во Вухан и околината, а во некои делови, паднале дури 250 милиметри дожд за 24 часа, или 250 литри на метар квадратен, објави Синхуа.
#Wuhan in central #China's Hubei province raised its emergency response for flood control to level II starting from July 6 after heavy rains battered the city on Sunday, according to the city’s flood control and drought relief headquarters. pic.twitter.com/NU9Y1PalR2
— ivan (@ivan8848) July 6, 2020
На многу места, реките го преминале нивото на одбрана од поплави, а во Вухан се борат да го задржат градот да не биде поплавен.
Нивото на заштита од поплави е подигнато на второ од четири нивоа, само еден чекор од најопасното ниво.
Според Синхуа, се очекува врнежите да продолжат не само во Вухан, туку и во многу други градови во Кина, кои се во опасност од поплавување, а милиони луѓе се загрозени.
#Wuhan. 武汉武昌虎泉，保利华都 pic.twitter.com/44nyH8kLEq
— Jennifer Zeng 曾錚 (@jenniferatntd) July 5, 2020
Најризично е во провинцијата Хубеи, чиј главен град е Вухан, кој неодамна беше најтешко погоден од вирусот.
Според Светската здравствена организација, пандемијата започнала од овој град, во кој имало скоро 3.900 мртви.