Француската биотехнолошка компанија Валнева објави дека резултатите од третата фаза од тестирањето на вакцината што ја произвеле се позитивни, пренесува Политико.
Врз основа на студија во Обединетото Кралство на 4.012 учесници, Валнева соопшти дека нејзината вакцина го стимулира производството за 40 проценти повеќе заштитни антитела во споредба со АстраЗенека.
Вакцината Валнева, исто така, спречува инфекции со коронавирус со стапка слична на онаа на АстраЗенека, а немало сериозни случаи во ниту една од групите, велат од компанијата.
Главниот лекар Хуан Карлос Харамило на брифингот пред новинарите истакна дека Валнева тврди дека нејзините вакцини веќе се користат во Велика Британија, Европа, Северна Америка, но и во остатокот од светот, пренесува Политико.
„Мислам дека оваа вакцина има голема улога, дури и во земји каде што програмите за вакцинација се добро напреднати“, додаде водечкиот истражувач Адам Фин.
Компанијата ја започна постапката со Британската регулаторна управа за лекови и здравствени производи во август и планира да ја финализира апликацијата во ноември. Се очекува да го добие првото одобрување до крајот на годината. Одлуката на Европската агенција за лекови (ЕМА) се очекува на почетокот на следната година.
Првично, вакцината Велнева ќе се користи за лица на возраст од 18 до 55 години. Компанијата предвидува дека возрасната група на корисници ќе се прошири и за постарите и за младите.
Инвеститорите реагираа позитивно на објавите на компанијата Валнева, поради што нејзините акции се зголемија за 36%.
Голема предност на вакцината Валнева
Вакцината Валневина е единствената вакцина во клинички развој во Европа базирана на целиот инактивиран вирус-традиционалната форма на вакцина во однос на мРНА вакцините. Слична технологија се користи и во кинеските вакцини Синофарм и Синовак, пренесува Политико.
Во однос на безбедноста, Валнева вели дека учесниците кои ја примиле вакцината пријавиле „значително помалку“ несакани ефекти во споредба со АстраЗенека.
Покрај тоа, анализата покажува дека вакцината предизвикува формирање на широк спектар на Т-клетки, кои заедно со антителата штитат од коронавируси за кои се смета дека се поврзани со долгорочен имунитет.