Нова WordPress алатка автоматски твитува цели текстови

од Stefanija Kuzmanovska

WordPress претстави нова опција која автоматски објавува цели текстови на Твитер и споделува сè што е напишано со фановите, заедно со фотографии и видеа.

Се тврди дека функцијата ќе го зголеми бројот на читатели, бидејќи текстовите ќе стигнат до оние кои не го следат сајтот директно, туку само на Твитер. Се додава дека текстовите ќе бидат споделени како низа поврзани твитови, што дополнително придонесува за зголемена видливост, и затоа што таканаречените сериски твитови (Twitter threads) се подостапни од индивидуалните твитови.

Од друга страна, се посочува дека сериите од твитови не се најдобриот начин за презентирање на текстови, особено оние што имаат поголем број карактери. Проблемот е што корисниците нема да мора да кликаат на врските, бидејќи целиот текст им е доставен на Твитер.

Новата опција е веќе достапна и може да се активира преку зелената икона Jetpack лоцирана во горниот десен агол на страницата за уредување, веднаш до иконите за споделување на социјалните мрежи.

Слични содржини