Новата фабрика на Форд ќе произведува 500.000 електрични камиони годишно

Новата фабрика на Форд во Западен Тенеси ќе може да произведува до 500.000 електрични пикап камиони годишно со полн капацитет, објави денеска компанијата.

Американскиот производител на автомобили објави во септември 2021 година дека ќе изгради фабрика за батерии на локација од 1.460 хектари во Стентон, североисточно од Мемфис.

Изградбата на локацијата BlueOval City започна минатата година.

Форд најави дека планира да започне со производство на електричен камион од втората генерација со коден назив „Project T3“ до 2025 година.