Фактите сè уште се собираат за физичкиот конфликт што избувна во Тител во неделата попладне, во кој учествуваа кикбоксерот и син на познатата Цеца – Вељко Ражнатовиќ и група млади мажи од тоа место, но според „Новости“, голема е веројатноста ситуацијата да се реши со помирување на двете страни.
Според неофицијалните информации, К. С. (38), еден од младите мажи што излегол од автомобилот пред куќата на семејството Родиќ, од каде потекнува сопругата на Ражњатовиќ, правејќи врева, а кој потоа се здобил со полесни повреди во тепачка со Вељко, изјавил дека не се смета за оштетена страна. Слично на него, наводно, овој инцидент го доживуваат и другите учесници во конфликтот во кој само К. С. е повреден.
И покрај тврдењата на некои медиуми дека против Ражнатовиќ ќе биде поднесена кривична пријава за насилство, таа сè уште не е пристигната во Основното јавно обвинителство во Нови Сад. Се очекува во наредните денови извештај да се достави до Обвинителството од страна на полициското одделение Нови Сад, врз основа на што ќе се утврди дали станува збор за кривично дело за кое се гони по службена должност.
Според адвокатот на Ражнатовиќ, Радомир Мунизаба, овој случај „не треба да оди во кривична постапка“.
– Нема основа за пријавување против мојот клиент затоа што имало инцидент што не го предизвикал Вељко, туку од таа група на видливо алкохолизирани лица кои го нападнале Вељко Ражнатовиќ, изјави за „Новости“ адвокатот на Ражнатовиќ.