Ново раководство, нови правила: Белата куќа повторно воведува ограничувања за патувања од Европа

од Stefanija Kuzmanovska

Администрацијата на новиот американски претседател Џо Бајден планира повторно да воведе ограничувања за патување за повеќето жители кои не се државјани на САД и кои неодамна биле на територијата на Европската унија, Велика Британија, Ирска и Бразил, потврди Белата куќа.

Пред напуштањето на претседателската функција, Доналд Трамп ги укина ограничувањата за патување. Но, новото раководство на САД, покрај претходните ограничувања, ќе воведе дополнителни ограничувања за луѓето кои престојувале во Јужна Африка, каде што се појави нов вид коронавирус и предизвика загриженост кај научниците.

„Со влошувањето на пандемија и појава на позаразни верзии на вирусот ширум светот, не е време да се укинат ограничувањата на меѓународните патувања“, објави портпаролот на Белата куќа Џен Псаки минатата недела на Твитер.

„Според советот на нашиот здравствен тим, оваа администрација нема намера да ги укинува ограничувањата. Всушност, ние планираме да ги засилиме мерките поврзани со меѓународните патувања за да го ограничиме ширењето на коронавирусот“, додаде Псаки.

loading...

Слични содржини