На жителите на градот во регионот Луганск им било кажано да останат во своите засолништа откако бил погоден контејнер во хемиска фабрика и токсичен облак почнал да се шири во воздухот, објави „Гардијан“, додавајќи дека тоа е една од најголемите хемиски фабрики во Украина.
„Сан“ наведува дека новото видео прикажува облак од азотна киселина, која е жолта или црвена, корозивна и може да предизвика тешки изгореници, чиреви и лузни кога ќе дојде во контакт со кожата. Нејзината пареа може да предизвика и белодробен едем при вдишување, што може да биде фатално.
Гувернерот на Луганск, Серхи Гајдаи, изјави дека опасното ослободување на хемикалии се должи на воздушниот напад на руските сили врз хемиската фабрика. Гајдаи рече дека ударот довел до ослободување на хемикалии, изложувајќи ги жителите кои останале во Северодонецк на отровни испарувања.
Истражниот комитет на Русија најави кривична истрага за ослободување на азотна киселина. Украинскиот претседател Владимир Зеленски возврати со осуда на воздушниот напад врз Северодонецк како „лудило“. Но, тој додаде дека не е изненаден од рускиот напад.
– Со оглед на присуството на големо хемиско производство во Северодонецк, руските удари таму, вклучително и бомбардирањето наслепо, се просто луди. Но, на 97-от ден во една ваква војна, веќе не е чудно што за руската армија, руските команданти и војници, секое лудило е апсолутно прифатливо – рече тој.
Москва, пак, ги обвини украинските сили дека го погодиле резервоарот со азотна киселина, предизвикувајќи експлозија и ослободување на портокалов облак.
Двете страни рекоа дека руските сили сега контролираат една третина и половина од Северен Доњецк, иако украинската војска продолжува да дава отпор.