Обвинетите за припадност во групата на Вељко Беливук и Марко Миљковиќ денеска се носат во зградата на Специјалниот суд на Србија на улицата Устаничка.
За околу еден час треба да започне главниот претрес против оваа група која се товари за најтешки кривични дела.
Денеска судењето ќе биде отворено за јавноста, бидејќи заврши прелиминарното рочиште на кое според законот може да присуствуваат само учесници во постапката.
Како прво, сите обвинети сега ќе имаат можност детално да ја изнесат својата одбрана, а заинтересираната јавност ќе може да ја слушне од прва рака, а не од неофицијални извори.
Во претходниот период при неколку претреси беше одржано прелиминарно рочиште кое се одржа зад затворени врати и на кое обвинителството и одбраната ги изнесоа своите доказни предлози пред судскиот совет.