272
На девојчето (15) кое на 4 мај во училиштето „Руѓер Бошковиќ“ им нанело физички повреди на врсник и наставник (45), му е одредена мерка притвор, дознава „Танјуг“.
Таа вчера била пуштена од психијатриската установа каде била сместена, по што била однесена пред судијата за малолетници во Вишиот суд во Белград.
Ѝ бил одреден притвор поради околности кои укажуваат дека за краток временски период би го повторила делото.
Девојчето е осомничено за кривичното дело обид за убиство.
Како што пренесуваат српските медиуми, таа и претходно имала психички проблеми, а пред неколку месеци била исфрлена од споменатото училиште.
Момчето и наставничката се здобиле со полесни повреди и двајцата веднаш биле хоспитализирани во соодветни установи.