По новите лабораториски експерименти, научниците од Хонг Конг изразуваат загриженост за честичките на „омикрон“ мутацијата на коронавирусот што остануваат во просторот за живеење.
Честичките од оваа варијанта на САРС-КоВ-2 остануваат заразни и на мазни и на порозни површини подолго отколку што беше случајот со првата варијанта на новиот коронавирус.
Истражувачите од Факултетот за јавно здравје на Универзитетот во Хонг Конг и Градскиот центар за имунологија и заразни болести примениле капки САРС-КоВ-2 од оригиналната варијанта и од варијантата омикрон (Б1) на различни површини на собна температура.
Откриле дека на мазни површини како стакло, нерѓосувачки челик и пластика, мутацијата на „омикрон“ била заразна дури и по седум дена.
Од друга страна, првата варијанта на коронавирусот престана да биде заразна по четири дена на челик или гипс, а по седум дена на стакло.
На порозна хартија, оригиналниот вирус престанал да биде заразен по половина час, а „омикрон“ по еден час.
Сепак, новиот коронавирус, како што покажуваат бројни студии, се пренесува со капки во воздухот. Инфекцијата поради контакт со контаминирани површини е поретка, иако една нова студија не потсетува на важноста на хигиената на рацете и чистење на површините што луѓето често ги допираат.