Новата варијанта на коронавирусот се нарекува „омикрон“ и првпат беше идентификувана во Јужна Африка. Наскоро се прошири во европските и азиските земји. Со оглед на тоа што коронавирусот досега имаше голем број мутации, новиот вид го загрижува целиот свет.
Веста за новата варијанта во петокот доведе до голем број држави да воведат нови ограничувања за патување, а фармацевтските компании дополнително да ја забрзаат работата на вакцината и да утврдат колку постоечките ги штитат вакцинираните луѓе од КОВИД-19.
„Омикрон“ – што ги загрижува научниците?
Светската здравствена организација (СЗО) во петокот го класифицира Б.1.1.529 или „омикрон“ како „загрижувачка варијанта на САРС-КоВ-2“, најавувајќи дека може да се шири побрзо од другите форми на коронавирус.
– Делта варијантата се уште е доминантна во светот. Во Соединетите Американски Држави, таа сочинува 99,9 проценти, но сè уште не е познато дали „омикрон“ ќе може да ја помести делтата, рече д-р Греам Снајдер, епидемиолог и директор на Одделот за превенција на инфекции на Медицинскиот центар на Универзитетот во Питсбург.
Засега е познато дека новата варијанта има повеќе од 30 мутации во делот на вирусот, а претходните форми имаа до 10. Исто така, се сомнева дека бројот на новозаразени во Јужноафриканската Република е зголемен токму поради оваа варијанта.
„Поради мутациите на „омикрон“, одредени видови третмани за КОВИД-19, вклучително и терапија со антитела за превенција и третман на болеста, најверојатно ќе станат неефикасни“, рече д-р Дејвид Хо, професор по микробиологија и имунологија на Универзитетот Колумбија.
Експерименталните антивирусни апчиња, како што се „Paxlovid“ на Pfizer и „Molnupiravir“ на Merck, се насочени кон делови од вирусот што не се промениле со „омикрон“, што би можело да ги направи овие лекови уште поважни ако се покаже дека имунолошкиот систем на пациентот е компромитиран со вакцинација или болест.
Непознати
Научниците велат дека би можеле да поминат уште неколку недели пред да можат да го дефинираат типот на болеста предизвикана од оваа варијанта на коронавирусот, додека не утврдат колку е заразна и до каде веќе се проширила.
Некои истакнуваат дека некои други варијанти, првично прогласени за загрижувачки, како што е бета (исто така првпат откриена во Јужна Африка), се заменети со делта.
Најголемото прашање и непозната за научниците е следново – дали заштитата од вакцини, за која се знае дека досега дала речиси 8 милијарди дози во светот, ќе продолжи да биде ефикасна и дали луѓето кои преживеале КОВИД ќе бидат имуни на „омикрон“.
Експертите сè уште не знаат дали „омикрон“ ќе предизвика помала или уште потешка форма на Ковид-19 во споредба со другите видови на коронавирус.
Кој е најдобриот начин да се реагира?
„Омикрон“ сè уште не е идентификуван во САД, но веројатно е веќе присутен таму, сметаат научниците.
Дури и без оваа нова варијанта на коронавирус, стапката на инфекција со Ковид во Соединетите држави се зголеми во последните недели, најмногу во северните делови на земјата. Експертите велат дека ова е затоа што луѓето поминуваат повеќе време во затворени простории во зима.
– Некои земји веднаш решија да го ограничат патувањето од Јужна Африка. Покрај ограничувањата пропишани од владата, самите поединци треба да проценат колку се подложни на болеста Ковид и дали се изложени на ризик од инфекција кога донесуваат одлуки за патување за време на зимскиот одмор, рече д-р Снајдер.
И тој и неговите колеги посочуваат дека вакцинацијата треба да остане приоритет и покрај тоа што се уште не се знае дали и колку е ефикасна вакцината во случај на инфекција со „омикрон“.
Во исто време, сите треба да продолжат да носат заштитни маски, да избегнуваат гужви, редовно да ги проветруваат просториите и да ги мијат рацете.
-Сè уште ги имаме на располагање сите оние алатки кои функционираат во случај на која било варијанта, потсети г. Ерик Топол, директор на Scripps Research Translational институтот во Ла Јола, Калифорнија.