Општинскиот штаб на Куманово: Владата со субвенции да им помогне на јавните превозници

од Берта Китинска

Денеска во просториите на Општина Куманово се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус).

На состанокот беа донесени следниве препораки, заклучоци и мерки:

„Општина Куманово прави обид за воспоставување на редовен јавен градски превоз во Општината, со кој се соочува со сериозни технички проблеми со вршителите на истиот, кои како и останатите правни субјекти од градското стопанство се погодени од ковид кризата. Бараме од Влада на РСМ да излезе во пресрет на барањата на јавните превозници во Општина Куманово и да донесе одлука за субвенционирање на јавниот превоз во градот со 30 денари по изминат километар и обезбеди средства од буџетот на РСМ.

Предлагаме доколку нема финансиски можности за субвенционирање, скромниот општински буџет не дозволува да тоа го сториме од сопствени средства да се обезбеди соодветна количина на нафтени деривати од стоковите резерви, кои би се користеле за потребите на вршителите на јавниот превоз во Општина Куманово во период на ковид кризата и би ги покриле дел од матријалните трошоци на компаниите како не би работеле со губитоци и да можат непречено да го испочитуваат договорот со општината и вршење на јавниот превоз.

Бараме од СВР Куманово да превземе поригорозни мерки и зачестени контроли спрема дивите превозници на територија на Општина Куманово“, соти во соопштението.

Слични содржини