Актуелно
Почетна / TOP NEWS / Орбан ги отвора границите само за Србија

Орбан ги отвора границите само за Србија

Унгарија нема да ги отвори своите граници кон земјите надвор од Европската унија (ЕУ). Единствен исклучок од таа одлука ќе биде Србија, рече унгарскиот премиер Виктор Орбан.

Минатиот викенд, Европската унија објави список од 14 земји од кои, и покрај пандемијата на коронавирусот, на патниците ќе им биде дозволено да влезат од 1 јули, вклучувајќи ја и Црна Гора, но унгарската влада нема да го прифати тој список.

„Засега не можеме да го поддржиме барањето на ЕУ бидејќи тоа би било спротивно на здравствените интереси на унгарскиот народ“, рече Орбан во видео пораката на Фејсбук.

Треба да се потсетиме дека Европскиот совет порано донесе одлука да стави 14 земји на списокот на земји од кои може да се патува во ЕУ: Србија, Црна Гора, Алжир, Австралија, Канада, Грузија, Јапонија, Мароко, Нов Зеланд, Руанда, Јужна Кореја, Тајланд, Тунис и Уругвај.

Овие се препораки на Советот на ЕУ, т.е. „без законска обврска“ и на земјите-членки останува да одлучуваат за нивното спроведување.

Во пракса, ова значи дека земјите-членки можат, но не мора, постепено да ги отвораат своите граници кон земјите од усвоениот список.

loading...