Илјадници Унгарци протестираа денеска пред парламентот во Будимпешта против законот што ќе забрани дискусии за хомосексуалноста или промена на полот во училиштата.
Демонстрантите држеле знамиња во бои на виножито, а некои биле видно вознемирени, објави Ројтерс.
Агенцијата наведува „дека тврдоглавиот националист, унгарскиот премиер Виктор Орбан, станува се повеќе радикален во неговата социјална политика, дистанцирајќи се од имигрантите и ЛГБТ луѓето во неговиот самопрогласен нелиберален режим, кој длабоко ја подели оваа европска нација“.
From the demonstration against the Russian style anti-LGBT+ laws in Hungary. Before the event started pic.twitter.com/aTOYgELN24
— Bleh👅╰⋃╯ (@kozepes) June 14, 2021
Вториот протест овој месец, по повеќе од една година пауза поради коронавирусот, покажа дека Орбан не е без опозиција и шест партии се соединиле да го победат на изборите следната година, додава британската агенција.
Владата на Орбан го редефинираше бракот во Уставот како заедница помеѓу еден маж и една жена и го ограничи посвојувањето деца од хомосексуалци.
Исто така го забрани правниот статус на трансродовите лица.